2007年1月30日 星期二

Meet the Girl

           星期一,依舊是忙......

           仲有兩day就係出花紅+新人工o既日子,食飯前我阿head終於派公司信過我......計一計,人工加3%,Bonus就有2.25個月,算係預期中,不過不失咁啦,反而我其中一條o靚竟然得1.8個月花紅,令我百思不得其解......

            lunch time,與同事ken一齊出街食,佢就mm聲(因為預期兩個半月花紅少左),我唯有鼓勵佢,努力去搵......馬會,將0.25嬴回來吧~~~~~

            下午不停做不停做......都係要OT,順便等人............(仲要番晤到炒散)

            差晤多8點半,閃身走,搭小巴過葵方,仲係要等......

            阿儀話9點到,我就四圍游下先,去碟鋪睇下DVD/CD咁(又羅左手機舊電去七仔叉)......到左搭正九點,條友仔仍然無影,9點2,call佢,仲話到荔景站,但,竟然9點半至出現(地鐵原來行得咁慢), 真係火都黎埋(仲要之前誓神劈願話一定準時),由葵涌廣場行到新都會廣場--我一句都晤講,以示不滿!        

             去到新都會,梗係要探下Claire啦(係二樓o既reception,counter入面最靚o個個就係佢),佢又差晤多收工,等埋佢一齊去食野...(我餓住等咁耐,你話慶晤慶)o係商場入面間麥記,又竟然冇魚柳飽,條o靚仔仲叫我食第隻飽,咁o既服務都俾得出!立即轉去葵興24小時個間~~

              冇見一排claire依然咁可愛,我地三個一路食;一路傾;又影下相...話咁快12點,小聚又完結了~

   xxxxxxxxxxxx

    番到屋企check E mail......很久不見的霍小姐,相約去食飯(仲係同佢幾個女仔fd),會晤會有古惑呢???..............


2007年1月24日 星期三

生日快樂





                          好耐好耐冇睇戲......呢套"生日快樂"係我復出之作


                          下晝叫朋友去買定飛先,佢話好長人龍......終於,本來睇8點,變為睇10點


                          講番套戲,故仔係非常老土的(當你睇到最後的真相),劉若英演得好好,若果佢爭少少嬴晤到女主角獎,只怪搵左郭藹明配音(我寧願劉若英試下講廣東話),古天樂個角色絕對o岩佢演,扮五音不全唱歌係好似(應該練左好多次),有觀眾覺佢做得晤好,係因為個戲o既重心擺晒落女主角度,對男主角o既著墨不多,形成冇戲俾佢發揮,甚為可惜......


                           周俊偉做古仔老友,反而仲搶(因為佢講埋旁白),曾寶儀戲份晤多,但落足心機做(佢係有觀眾緣的)真係要彈......個戲o既節奏感晤足夠(常常用變黑既fake out,令人覺得鬆散同悶),晤煽情(呢樣係悲情片應該要o既元素,能夠感動觀眾兼留低深刻印象,日劇就掂o係呢度勒),特別要彈的鏡頭羅位,變化少之又少,馬楚成真係要求變了......


                     平心而論,若果喜歡電影,又晤多曉駁古的話,這套片絕對值得一看!我睇得好enjoy,亦好有feel,因為裡面o既部份情節,正發生o係我身上......


2007年1月22日 星期一

曼聯又輸波



                     星期日,訓到好晏至起身......

                     三點半,出門口,去尖咀食o的野......

                     行陣街,跟住過香記開工......

                     做呀做...做呀做...到11點半,仲未收得工......

                     11點9至走得,速速飛的落旺角,會合幾位老友,睇大戰--阿仙奴對曼聯!

                     經過冇乜料到既上半場,下半場冇耐,曼聯朗尼仔頂入一球,當時我係嗌得最大聲o個幾個之一......跟住落黎就係惡夢既開始,到83分鐘,阿仙奴雲佩斯追和,心諗博一分都冇壞(領先車路士7分),但去到補時3分鐘,俾亨利條XXX頂入一球!!!冇仇報~~~~

                         點解又輸?仲要又係阿仙奴?呢勻真係訓晤著.......................


2007年1月20日 星期六

        累積瀏覽突破1000 !

        好開心,自己寫個幾十隻字都有人睇下(晤知有幾多係晤識我既呢?)

        期待10000.....

        Yeah !!


2007年1月15日 星期一

病了

                  要從星期六說起.......

                  朝早返工,已經被傷風箘強烈侵襲(其實半夜已開始),直至11時30分,終於頂晤順走去睇醫生......係傷風+喉嚨發炎,仲有小小頭痛,無奈地問醫生拎左一日sick leave(番查紀錄,原來舊年我冇放過病假),拿拿淋去食碗粥,跟住番屋企食藥大覺訓,矇矇矓矓間聽到的家姐姐夫番黎......跟住打麻雀......有人開電視機睇有線......夜晚出街吃飯咁......到我醒番時,就係老豆拎住碗雲吞麵外賣叫我食o個陣......

                   星期日,好晏至起身(因為半夜又睇波,完全晤記得自己係病緊),冇耐就出左街, 因為約左我蛇頭夾o下黎緊呢個星期o既散工order......去左老尖一間茶餐廳,一路食一路傾,之後去香格里拉開工了......收工後,都係忍晤住,同個friend去左食燒夜兼睇波......

                   今日自己放自己假,所以可以真正休息下,晤好再病咯~~~

 


2007年1月3日 星期三

夢想/幻想

        細路仔個陣,好恨做大人,可能係成日俾老豆打o既關係......(大人就晤會俾老豆打?)


        到學生時代,想出黎做工,因為見到o的西裝友,拎住個公事包好鬼型仔......(咁就係成功?)


        真係出黎打工o勒,就諗住一級級上,做到個經理,搵多的錢買番層樓,可以自己有個竇......


        再識個女仔,拍幾年拖,跟住結婚生仔,組織幸福家庭......


        但,生命真的可以這麼簡單?


        經過十多年生活的洗禮(當然由十八歲開始計),發覺現實不如夢想,現實就是現實......


        打工未必搵到好多錢,但成日要受氣......


        想儲錢買樓?儲錢去旅行都要計過度過......


        到識個女仔,覺得可以同佢一生一世?可能佢背住你o係出面拖住第件......


        更甚者,個女仔原來係--les!


        咁,做人係咪應該有夢想?


        我現在o既夢想,就係中六合彩頭獎,因為可以幫我解決好多問題......


        而我一直為夢想而努力,每次都付上廿皮,等待結果......


        到夢想未達成,又回到現實,繼續工作,繼續生活......


        希望呢個晤係幻想啦~~~~


        ( p.s. 今日個題目係咪應該叫笑話一則? )