2007年5月31日 星期四

忙.食@531

          已經連續幾晚OT,個人有點兒倦.......

          朝早對住個"芒"已經feel到想訓一陣既感覺......

          Lunch,同埋傳訊部幾位同事,慶祝阿Celia生日,落左3F大堂間金田食......

          都好耐冇黎食.....發覺o的野食渣左......

          自己又笨,嗌左個石頭飯set,兜飯鬼咁熱,入面又有kim-chi,再撈少少辣醬,食到成頭汗......

          番寫字樓冇耐,有事要上11樓,係走廊見到Samuel拎住個Tiramisu,拉左我入傳訊部......

          晤駛問阿貴,唱生日歌,切旦糕(冇預備蠟燭).......

          分旦糕呢下當然由我做,強項!

          之後,繼續趕埋尾.....四點幾,有人交雪條,條o靚羅左條Magnum俾我,見佢咁有誠意,又食左......

          殺呀......終於,八點收工,可以去食麵咯~~~ (正所謂: 攪 掂,食碗麵)

        


2007年5月28日 星期一

感受

     我知我有晤岩,亦冇同你講清楚.

     只因為我同你既立場晤同,

     我會諗下自己係咪晤適合做落去,

     對不起


2007年5月20日 星期日

足總盃,輸了

            

                 賽前,阿Sir愁眉深鎖



        

               呢球晤入


          
               呢球,又晤入

          

               就o係加時下半場,俾杜奧巴呢一腳......車路士一比零


              

                 呢班人好開心


              

                相反,呢班人冇晒mood


                              

                               算吧,不用灰心,下年再努力


2007年5月16日 星期三

2007年5月12日 星期六

赤柱BBQ

  

   好趕的星期五 >>>>

   一收工走番屋企,拎部digital cam先,跟住搭地鐵......

   出到中環,拿拿聲過地下巴士站,阿星+表哥同阿儀係度......

   再上巴士入赤柱,到總站已經係九點幾......

   去惠康買左小小野,連行帶走去正灘過o的o既燒烤爐......

   阿賢黎埋,又同阿儀出去百佳再補飛喎......

   後尾又叫埋阿星+表哥一齊去,剩番我一個人......

   仲要係連炭都未買,我就係度聽歌(阿星部手機),等......

   到攪掂晒,起好爐,開始燒野食,Claire同阿姍黎埋,齊人o勒!!

   ..........................成兩點至走呀......

            眼訓......聽日仲要番工.......


2007年5月7日 星期一

生日~後傳

      好好訓......因為曼聯奪得今季聯賽冠軍!

                    訓到11點半咁上下,起身刷牙洗面洗頭沖涼,再開電腦check下e-mail......

                    約左阿儀,話請我去唱K喎......原本約1點,後尾改點半,最後佢都要遲到十分鐘......

                    行左過荃灣中旅社樓上間"渣兜紅綠盒",問問......已經冇K-lunch,不過可以用學生價(佢有學生証),29蚊位免加一,起碼唱三粒鐘,都幾抵喎~~~

                    今日仲要有個母親節推廣,玩甩麻雀(三十秒內甩五隻,中一至五隻都有晤同o既獎品),見到有的師奶K客玩緊,我當然要玩埋一份啦(強項)......中四隻(埋單八折,不過要下次先)都算係咁,騎~~

        之後去荃豐中心行左陣,跟住過葵芳,探下Claire,食雪糕......又行一陣,番屋企咯......


生日

                 望著大鐘,過了零時,已經踏入36歲......

                對於生日,已經沒有什麼感覺,可能是年紀大了吧(不像年輕時,想想去那裡慶祝,約多些朋友出來,還要暗示他們送甚麼禮物給自己),年年如是,有人約就去玩一下,若沒有就靜靜的、慢慢的由他溜走,轉眼間廿四小時後又回復平常......

                 今年,又會如何?               


2007年5月4日 星期五

Spiderman 3





       


         曼聯o係風雨下輸俾AC,已成事實.


         (3號)朝早睇完波番到屋企,訓左幾粒鐘又起身,但晤係番工......


         係Samuel找我,話約左肥Paul,請我飲茶(咁好?),去南豐新之城五樓間酒家......


         o係心情晤靚+晤夠訓+招呼差+o野食晤得,我已經black list呢檔衰場(都係晤記得名)


         之後,阿Paul番工,我同佢一齊搭地鐵,佢去銅鑼灣,我出旺角......


         約左阿儀,o係新世紀廣場行一陣,跟住......今日精選 ~    蜘蛛俠 III


         去左嘉禾旺角睇,用生日月份免費戲票加VIP咭,六條攪掂!


        


          等睇左起碼一年,片長一百四十分鐘o既第三集,竟然係自己最晤鐘意的一集!               


          有多條支線,但好亂(好多內容交待晤清,例如個分解實驗做o的乜)......個tone晤統一,無啦啦攪笑(首選Parker酒頭粉面撩女仔,次選o係法國餐廳出香檳,好港產片)......Gwen Stacy變成一個茄喱啡中o既大茄(係用黎製造救人場面+Parker同MJ既衝突)......Venom個款好勁,但輕易地玩完(留番下集至出仲好)......


           可以讚o既,係特技超正,音效一流(又一隻試機碟,等DVD啦),娛樂性豐富咯......