由平安夜到聖誕

             12月24日,凍......

 

              日間仍然忙碌中......晏晝自己部門開party,但係要delay,一點半至開始......

 

              食左一陣......番自己office做一陣野......等到FC番黎,又上番去抽獎.......

              

               ( 本來抽中盒朱古力,但有位兄弟拎set毛巾套裝同我換,又好!)

 

               收工番屋企.....食過飯後,有o的眼訓,就彈左上床.....差晤多十二點訓醒,係咁咦倒數十聲,又聖誕了......

 

               睇左一陣電視,都冇乜特別節目.......諗起錄起左o既"神探伽利略"(當然係高清版),仲有5集未睇,又煲煲佢先.......

               

                都係睇得3集!剩番第9同第10章.......同埋第0章上編!!

 

                今年好似過得悶o的,但真係冇乜mood出街,難道係......中年危機??                           

              

                其實,我有好多野未處理,例如有好多VCD同DVD未睇,兼且......

               

                ( 衣櫃對出有成堆未執 )

 

               

                ( 仲有成床垃雜野......有排攪 )

相逢在馬場

             12月14日,正係沙田跑國際賽的大日子,我又點會錯過?一早約埋阿傑殺入馬場,但.......

 

             由荃灣搭小巴入沙田,沿途個司機不時問路,都覺得有o的奇怪,點之係未到隧道仲駛錯左去禁區......原來個司機係替工,平時駛開荃灣至象山咋,嚇到佢流左幾滴汗,須知道成車都係趕住入場o既賭仔,仲已經係十二點(頭場12:25分開跑)......

 

              最抵都係一入場就有呢頂小克設計o既cap帽

             

 

              跑完兩場馬,自己過去公眾席近終點o個邊,因為有線球彩台做戶外直播,由阿鵬同Wendy做主持......

 

              睇左佢地做節目幾年,阿鵬;由"呢條友把聲咁似杜文澤o既?"開始,到成為球彩台台柱,觀眾睇直播(包括我)都寧願聽佢旁述......將一場波由精彩講到好精彩晤難,但佢能夠將一場好悶o既波變得好精彩,呢樣至係功力所在......

 

               至於Wendy,由起初做節目哈哈哈咁就過左一個鐘,到而家又做足資料準備,又牙尖咀利,仲曉得現場評述球賽,簡直係百分之二百進步!.......而家更係我Blog friend之一潻(Wendy,我純粹講事實,晤係擦你鞋博請食飯架)

 

               當然,年初四雲達對拜仁一役更加係經典!!(我又上youtube睇多次,呵呵)

 

               行到過去,見到佢地預備開show,發覺阿鵬原來都好斯文(佢傾計o個時係細細聲架),Wendy真人同上鏡一樣咁靚(不過真係瘦左o的,肥番小小會仲正),最難得兩位都冇乜架子,講馬影相都歡迎.......(同場又見到phone-in VIP之一燒鵝陳o既真身,果然係有料之仕)

             

 

             ( 咁o岩得咁橋,三個人都係紅黑裝扮,夠晒MU !)

 

             果然係波精馬勁,阿鵬俾料個隻"飛鷹山"跑出,雖然係五倍幾既獨贏,但o個場十個有九個半都買左"爆冷"之下,咁就晤服你都晤得,仲帶挈我有斬獲,多謝晒!!

麥記之和風滋味蝦堡

             麥記又出新品種,見晤少人試.....我都試埋一份!

 

            

        

             味道晤錯,口感似麥香雞換左舊蝦肉咁(仲講口感,俾阿蘇聽到實鬧),加埋生菜同千島醬,冇乜好彈......真係要彈o既,係個飽好多時都又淋又扁(關晤關即時制作問題呢)......

 

             

 

             不過,點都好過個芥末魚柳包多多聲!!!

爆粗Band友

                       

 

                        超正! 超爆笑!!

 

                        好耐未試過睇戲拍晒手掌,呢套俾到~

 

                        松山研一o既演出更勝死亡筆記!!!

 

                        松雪泰子晤做醫生,做個變態社長亦過癮非常......

 

                        內容晤多講o勒,剩係睇opening抄蜘蛛俠都好鬼興奮~~

 

                        o係金融海嘯之下,睇套顛顛地o既笑片都可以放鬆番.........                      

好友的婚宴

               24日(星期一),係我的假期之餘,亦係好友Brenda的大喜日子......

 

                Sorry......真係起晤到身去觀禮(12:30pm).......              

 

               下晝,熨恤衫......o係膠袋拎番件乾洗完的西裝褸出黎,再睇下襯邊條呔好......

 

                再臘埋個頭......帶埋份賀禮,出門了......

                 

                 ( Precious Moment 有音樂會轉動o既結婚玻璃球,正! )

 

                攪乜鬼,仲係咁熱......慢慢行都成身汗......

 

                去到新世紀廣場帝京酒店6樓,係晚上六時半左右......晤太多人播......見到靚靚新娘,捉住影番幾張靚相先......當然with新郎哥啦

 

                見番好幾位Panda的舊同事,例如做伴娘o既Gladus,做姊妹o既Stella,黎飲o既KK,Ringo,Vincent,Sam,阿禮,仲有Wilson(當然係坐埋一檯,但晤係痴痴呆呆)!                              

 

                 仲有,見下幾位散工老友,吹水兼交帶下,睇緊o的......個場我咁熟......

 

                 地方係靚左,燈光同拍攝都好,但o的食物水準依舊......弱!

                

                 ( 用左部老爺機,影得晤好)

                

                 晤重要啦,見到新娘子咁開心(又要o係台上喊),我都有小許感動......好似嫁女~~(^_^ ;)

 

                

                 (個檯佈置晤錯,夠grand,地下好似鋪地毯咁)

 

                

                  ( 好一對俊男美女 )

 

                 

                  ( 細心的新娘子)

 

                  

                  ( 噢,影晤到我眼眶的淚水潻,呵呵~ )

一份早餐

             某個早上,經過新港中心,忽然想食早餐,在裡面見到一間叫"土司工坊"的,想著: 就試一下吧.......

 

              

 

              這個套餐是肉鬆厚土司＋半熟蛋＋熱奶茶

 

　　　 厚多士上面,加了點像蜜糖似的東西黏著肉鬆,口感不錯,已切好小塊上碟，再伴木牙籤,吃來很方便......

 

              蛋是泡了一會(不知道多少時間),一拿起像打旦般就成了,很奇妙!墊盤紙還教你如何享用呢......

 

              至於奶茶,是拉出來的(像越南印度那些),雖然較為細杯,但以早餐的份量來說也剛剛好,兼且有表演看,有賺了......

 

              整個套餐售26元,不算太貴但吃得很愉快,我想我會再來的......               

新鐵金剛之量子殺機

            

 

             兩個字,晤掂!

 

             由細細個俾老竇的入戲院睇007,已經變成我偶像之一,但過左多年不斷轉變,對上一集"皇家賭場"已經o係屋企睇,覺得Daniel Craig完全冇邦味......

 

             到呢一集,連故事+劇本都晤想諗,直情係任o翕......

 

             如果晤係打正James Bond個名,想搵人去睇都難.......

 

             "叛諜追擊"都好睇過佢.....

 

             晤想浪費篇幅,只係想占士邦個朵晤好越攪越衰.......

 

             

公司旅行@2008

             11月11日,天朗氣清,去旅行最好!

 

             又可以晏o的起身,因為集合時間是十點三,洗個頭沖埋涼至出門口......

 

             原來今日呢團成六十人(之前已經有四團玩左),包兩架大車......

 

             先到珍寶海鮮坊,食lunch.............??

 

            

             ( 以為得呢o的? )

            

             ( 仲有呢o的呀........多到食晤晒! )

 

             

             ( 坐下張龍椅,仲有美相伴......但搵人楂機硬係爭o的)

 

            

            

             ( 呢兩張我操刀既,係咪有o的與別不同呢...... )

 

             差不多一點到海洋公園,自由活動之前要先分組玩遊戲......玩乜?搵景點影集體相........

             

             

              ( 第一站 : 七彩昇空天地 )

             

              ( 第二站 :中華鱘館　）

 

              一點半,開始自由行......行下中華鱘館,水母館......

            

               玩跳樓機......係第一次玩,但.......冇料到!

              

              

               都係玩過山車好好多,感覺依然咁爽！

　　 

             三點半,海洋劇場睇海豚海獅表演,當然少不了......但係掛住睇,冇影到相......越礦飛車維修中,冇得玩......再過去滑浪飛船,都幾多人排隊,驚趕晤切冇玩......

 

             臨走前,係紅鸛池坐一陣......原來有女職員用中/英/國語講解,把聲靚咬字又正(樣子都晤錯),掂!! 又係掛住聽佢講,冇影到相,唯有睇下紅鸛啦......the end

 

　　　 

影畢業相

                11月2日,o係訓左幾粒鐘之後,一點鐘就出左門口,先去旺角......

 

                 約左Emmy同Kenix,先知原來好多人.....都晤得閒出黎,乜咁架?

 

                 行新之城,買左個四方帽麵包超人......之後過朗豪坊味千食lunch,越黎越渣呀呢間野..........

 

                 食飽,行去火車站途中,撞見超人& Kitty.......

 

                 此行o既目的地,係POLY U,同Yvonne影畢業相......

 

                

                 ( E & Y & K )

                

                 ( Y & A )

                

                 ( AYEK )

                

                 ( 幫佢地影相攪到成身汗,呢張做到表情都好難得)

                

                 ( 差晤多天黑,Gary黎埋,齊晒人,咁張相邊個影? )

                

                 ( 撞見Connie,搵佢友情幫手,thanks !!)

 

                 跟住就要搵節目......Yvonne提議去Neway K Buffet,佢張中銀咭有七折,又係大比數讚成票.......

 

                 港晶中心分店出奇地小人,俾左間十二人房我地,入面有電腦用o個種........

 

                 玩左四粒幾鐘,埋單竟然.......每人$80???.....原來冇計到buffet另加既廿八蚊,嘩!賺晒!!

哈佬喂@2008

             10月31日,既是出糧日,又是哈佬喂的日子.......

 

             收工後o係office hea左陣,跟住join MOLLY,阿MING去沙嗲王醫肚先,之後又番公司,幫MOLLY拎佢自己整o既旦糕,因阿MING要等埋coffee shop同事收工,咁我就陪MOLLY出左尖咀先.......

 

             已經成街都係人既尖咀,又join左MOLLY幾個女仔friend,帶佢地過去嘉芙大廈,冇耐又有一班仔到左......見到呢個情況,同其中一個壽星女VICTORIA講左聲生日快樂,就撇o勒........

 

              往地鐵站途中,撞見大聰兩公婆,仲有佢妹妹細G......加埋個帶住相機既肥黑鬼(後來我至知係細G條仔),咁難得,即刻影張合照先(到家陣仲未send番俾我)......到車站月台,等阿MING同收左工o的同事過緊黎之際,見到昔日麗丁酒店的舊同事--HENRY,寒暄幾句,原來佢o係州際酒店中菜廳做,我仲話遲o的探佢,究竟會係幾時呢......

 

               咦?乜除左阿MING,剩係見到NICOLE同阿LING黎埋o既(又話叫左好多人[女]??),出左中環站,會合埋恆仔,五勇士正式向蘭桂坊出發..............

 

               街上面真係好多人......多到見晤到路......到見到條路,又晤知點行.......到問左差人,搵到提示牌,原來係一條九曲十三彎o既通道......仲要行一陣,停一陣,等一陣.......眼見老蘭,但晤知要行幾耐至到........卒之,行左一半腳程,經小組討論後,決定掉頭,反正沿途都已經睇到好多古靈精怪打扮既男女老幼...........

 

                時間係大約零時四十分左右,仲有地鐵搭,跟大隊落旺角.......去到火車站附近既一間吧(有人去過既,即係熟架步),冇minimum charge之餘,仲有K唱喎,冇問題喇.......

 

                 一路飲,一路玩下骰盅,又唱下歌.......夜o的,阿MOLLY黎左一陣......又夜o的,KELVIN+DANIEL+LOUIE又到,期間,阿MING送MOLLY返屋企,再冇出現.......

 

                 玩到打烊至離場......阿恆已經high暈左......剩番其他人,同埋酒吧做waitress既SHADOW,一齊打的上LOUIE係深水土步個屋企........又飲下,hea下,訓下,到天光至搭車番歸,沖個涼,洽左一個鐘,又起身返工了..........

 

                  啊~~~~~~  >_<     

我在墾丁＊天氣晴

　　　經過一日+兩晚,終於將早前在高清翡翠台錄下,共二十集的"我在墾丁天氣晴"完全消化掉了！

 

　　　

            ( 劇中的靈魂：彭于晏＋阮經天）

 

            

　　　( 索 + 有缺陷的角式：張鈞甯)

 

　　　

　　　( 可愛得很的鄰家女孩：李康宜)

 

　　　看畢整套劇的評價: 正！

 

　　　事前沒料到劇裡的內容這樣豐富,包括友情/親情/愛情/暗戀/單戀/畸戀/夢想/運動/創作,甚至生態/環保等等,留下很多東西給觀眾思考.......加上每位演員都洽如其分地演活了角色,令我的心亦投進了劇中......

 

             個人有點遺憾,就是楚大哥的性格歷程,描寫得較為模糊,似乎鈕承澤導演處理自己的角色反為不及了......

 

　　　有點像多年前的一部日劇Beach Boys的感覺(兩個男主角+沙灘+熱情)......就只是一種感覺罷了～

 

　　　還有,Joanna Wong演唱的片首及片尾曲,很Blues......(我覺得)

            

　　　強烈推薦！！

 

　　　

　　　看試片：

　　　http://www.youtube.com/watch?v=nYZv_NR-wmg&eurl=http://www.pts.org.tw/~web01/kenting/box_4.htm

20世紀少年

　　　  前日(8號),放假,難得早醒,諗o的野做......... 好耐冇去睇早場,又有一套戲想睇又未睇,就揀佢－－－－－

 

　　　　　　　　　　

 

               想睇得舒服的,所以走去Elements......原來閒日早上(11點左右)既圓方係咁清靜.........　　　

 

               

               

 

                入番正題,講戲......我未睇過原作漫畫,晤知有冇刪減,但140分鐘內容都跳得幾快(因為要穿梭幾段時間),又要趕住12月31日破滅日做ending.......整體都ok既,係覺得卡士大,但場面又晤夠大,亦晤緊湊(好多fade out),可能係第一部啦......

 

　　　　又係出字幕晤走得,因為之後係第二部預告篇,睇過好似勁o的,等!

Twins

              上個禮拜五(3號),因為一o的原因,由約好出街食變左上阿聰屋企食飯.......

 

              同場,仲有Cherry + Harry.......

 

              又見番佢一對孖女,大個左.......

 

             

 

              兩位twins非常之活潑,又鍾意爭野玩,不時起爭執.......搞到佢地阿爹D同媽咪頭都痕...........

 

              我一時間拎部電話,諗住影相紀錄低......點之,引起兩位女女既注意,仲搶左黎玩,不停影........

 

              以下係twins既作品 :