2008年7月30日 星期三

有o的運

               話說有金多寶o個期六合彩,我好少錯過......呢期(29號)又有幾千萬,番緊工o個陣仲周圍提同事買.......

 

                到左收工,冇理由晤一齊發下個橫財夢架,急急腳去投注站.......

 

                平時我通常度四注六個字,廿蚊,頂多買兩張,今晚忽然心血來潮,想買複式!

 

                先拎張吉飛,睇住過往結果塊版,左度右度,寫好號碼再埋去篤篤機襟飛......

 

                買左八個字,都係一百四十蚊.......食完飯又晤想四圍騰,早o的番屋企.....

 

                順便睇埋攪珠,第一個.....7號,第二個......34號,晤係掛?

 

                o係o個幾秒內,有一種會中頭獎o既信心出黎,非常刺激,望實螢光幕眼都晤眨.......

 

                結果如下 :

 

                      

 

                 攪出黎o的號碼同我諗o既範圍非常接近,幾有眼光喎.....(當然係事後孔明)

 

                 不過,自己知自己係辛苦命,冇咁易嘆世界~~ 但都係有運仔,買百四贏二千二,剩袋二千一,都好好咯,呵呵呵!!!

2008年7月29日 星期二

書展@2008

             一年一度o既書展我點會錯過,雖然我係少買書的一族......

 

             諗住星期五(25號)夜晚去會好o的,又可以行到十二點......但都係好多人,仲係越夜越多人,o係Hall 1有一兩行係塞住冇得郁,我直情覺得呼吸困難......

 

             o係晤可以埋去睇,埋去揀之下,買左呢幾樣 :

 

             

              (舊年原價$76冇買到,今年買番,$20)

 

             

              (因為會考題hit左出黎,梗要買套看門口啦,$67.50)

 

             

              (呢本揭勻晒先買,相靚,排版晤錯,最緊要有folder送,我lum個收銀妹先有得揀Jolin咋,$54.40)

 

             

              (今年出中國古代體育紀念封,加埋熊貓郵票,咁奧運feel,買!$80)

 

                  

                  (壓軸,當然係雙冠王曼聯咭仔,冇得玩都可以儲o者,$20)

 

 

              離開會展,搭巴士落旺角食韓燒,食完都未到一點鐘,仲有地鐵番屋企......到左月台,望一望周圍,乜咁樣o既?

 

              

              
 

              
 

    (成個站都Welcome 2 Taiwan,有小小怪,晤知仲以為o係台灣添)

             

 

    

               (不過見到Jolin,醒神晒!)

2008年7月28日 星期一

周星馳係o岩o既

               星期四(24號),收工搭Shuttle出旺角,去In's Point........

 

               事緣早前,有一本雜誌"電擊Arcade Card Game",最新一期大編報導新一輯WCCF,當時去雜誌鋪搵又晤見,搵書店經日本訂又話訂晤到,冇晒mood個陣係yahoo見有人賣,咪bit咯.......都知道貴左(980YEN bit到$160成交),但o係千金難買心頭好之下,殺!

 

                去In's Point之前,經過信和,又落去地庫行個圈.........晤係掛?竟然俾我見到呢本雜誌,仲係賣$130......即時有一個字想講,但諗深一層,如果我晤係出黎交收,就晤會行過信和;又如果我晤落去,咁就見晤到本雜誌.......              

 

    都係星爺講得好,"樣野你越搵就越晤俾你搵到,你試下晤搵佢丫,又會浮番出黎....." [大內密探零零發]

 

    終於,去In's Point拎左書之後,再落信和......買多一本

 

    

 

             

              (有貼紙同咭簿送,nightwing你稍等啦)

 

              逛逛下,見到izzue減價(呢個係除左H&M之外,我第二大幫襯既brend),入去睇下啦......減價貨裡面仲加埋買夠三件再八折,又忍晤住.......

 

             

              (減價都有減價袋,型!)

 

             
($279->$170)

              
 ($279->$155)  

              
 ($300->$170)

2008年7月25日 星期五

蝙蝠俠 - 黑夜之神

                            

 

               冇得拗,呢一集主角係Joker !

 

               Heath Ledger將「小丑」演得很顛,由眼神,對白,以至不時用條利舔嘴角既動作,令你心裡面都驚一驚,問問自己......蝙蝠俠點頂呀?

 

               就係因為對手咁強,令Christian Bale演無奈又無助o既Batman變得理所當然,再加上劇情推進一浪接一浪,152分鐘轉下眼就過......

 

                婉惜的是,下集就算有Joker,都不再是Heath Ledger......

 

                佢會寧願做得晤好而留番條命,定係演得太好但係抽離晤到?

 

                晤理佢點諗,呢部戲o係我心目中,已成經典!!(我應該會睇多次)

 

                每每當某些東西失去,人才懂珍惜,這個循環何時了?

2008年7月21日 星期一

火都o黎

             原本個題目應該係"同事聚舊"或者"打邊爐"呀咁......

 

             o係17號(星期四),約左同事聚下舊,到收工前,至知約左去呢間--

 

             荃灣居民請記住,係熊貓酒店隔離o個間嘉囍皇宮大酒樓 !

 

             因為約個時間較夜,所以厘係公司多一陣,度度下個月staff party既game......因為我係committe之一......

 

              到八點幾至同Gary過酒樓......見8:30後有特價,又等多陣啦......

 

              夠鐘,埋位!其他同事都到埋,有Emmy,Yvonne,Kenix,Connie,Paul,Johnny,Savia加發起人Jurgen............

 

              知呢間野麻麻地,開頭落柯打已經黎晤齊(一個價任飲任食冇理由限o者)......又話樽裝汽水晤凍,掟的罐裝黎,但轉頭又見隔離檯有......無厘頭會走黎加水,但會加到煲頂.......

 

              都算勒,後來的柯打仲等極都晤到......追一次,又話黎緊,又等一陣......再搵個部長似o既物體,佢又話親自跟,又等多一陣......仲係冇料到,真係忍晤住,企晒身大聲喝個條友,插佢幾句,佢至嗌個高級o的o既跟,等到個高級o的拎的野食,梗係甩甩漏漏啦,到我鬧完番埋位,成十一點鐘,唯有係咁咦食下......

 

              仲未算,有個八婆行埋黎,講:你地應該早o的黎麻......我已經冇興趣聽廢人講廢話,拿淋埋單.....呢間衰場打死我都晤會再黎!!

 

             影相o個時仲好心情架....

   

  

   

2008年7月14日 星期一

見見Rita妹妹

             今日放假,不過,十一點半就出門口.......


             因為,約左Rita妹食lunch,當預祝佢17號生日......搭地鐵出鰂魚涌,去太古坊o既金煌庭......


              一齊食飯既,仲有早我小小到的肥聰,同遲我小小o既Rebecca.......都成幾年冇出黎見面(因為我懶),但場面依然---聰同Rebec都係不停咁傾......由仔女到公司......


              好快又食完一餐,但我竟然晤記得同佢地影番張相......keep晤到呢個moment添,失敗!


              諗番轉頭,以前稱兄道妹都係貪得意,玩玩下咁........直到N年前,有一次約阿妹出旺角食飯(o個時好似甩左拖),佢忽然送左一袋野俾我,原來係車厘哥夫o既曲奇餅,心裡感覺到一種好濃o既親情,好warm.......後來自己每次去車厘哥夫,都會諗番起仲笑一笑咁,抵阿妹有個好老公sweet sweet咯........


              阿哥欠你o既,都晤知幾時還得晒............


              返回現在,食飽後拉埋阿聰落銅鑼灣,o係Sogo行左陣,再過Time Square行左陣,佢就先行離去,我繼續四圍碌......


              今日好晒,熱到成身汗,但係好爽,咁先係夏天麻......


2008年7月13日 星期日

赤壁

             星期五(11號),收工後過Elements......睇呢套 !

                     

             

              早左到,見有小小時間,去H&M逛逛.........又買兩件,黑白雙煞!

               

 

              [趣事一則] 話說到左戲院,等緊阿++o既時候,吳君如陳可辛行過我旁邊,佢地望一望個售票顯示屏,可能見冇乜靚位,陳生陳太轉身走之際,冷不防聽到陳生同陳太講: 不如去溜冰咯.......

 

               型!

 

               一早已經知片長140分鐘(又俾院商加十蚊),但三國個故事咁長篇,拍4個鐘都講晤晒啦......還好,每個角色都有表現,相對黎講梁朝偉,金城武,張豐毅就冇咁搶鏡.......

 

               金城武o既諸葛亮,最似我心目中的版本,飄逸!

              

 

               梁朝偉好明顯係趕拍,晤親自配音之餘,睇佢講對白o既口形,全程廣東話!              

              

 

               至於Chiling,正而短......."正"就晤駛解釋,望住朝偉面紅紅個樣,係男人都死!但戲份加埋十分鐘都冇,確係短o的........

               
 (幾時可以識番個小喬呢?)

 

                八卦陣o個場拍得好好,但拍鴿仲好.........隻隻都有戲架!

 

                我俾80分啦,仲要等埋下集至有火燒............

 

                散場後出旺角,過稻香打邊爐,9:30後特價時段真不能講笑,爆晒棚好似午市咁,要等廿分鐘至有位.........

 

                飽飽!

2008年7月8日 星期二

殺神特工

                           

 

             又一次估晤到........

 

             睇預告,覺得好型,再加埋Angelina Jolie,應該幾好睇下.......

 

             但.......意外o既驚喜,呢套原來係笑片 !

 

             晤係晤好睇,有劇情有動作,只不過估晤到咁多爆笑位.......

 

             亦估晤到有場火車跌落山既大型CG........

 

             又估晤到最尾玩逆轉,阿Morgen Freeman仲.......

 

             簡直係Kinder出奇旦,新奇好食又好玩.......

 

             好期待續集.......我估應該有續集.............           

2008年7月6日 星期日

超低能特攻隊

                         

 

            未入場之前,覺得呢套戲都係搵的野笑下者,片長仲係得八十六分鐘,咁鬼短!

 

            開場十五分鐘確係一般,但之後.......好鬼好笑!!

 

            過癮在的笑料,晤係剩係美國佬先識笑個種......(detail就晤多講)

 

            我懷疑個導演睇好多港產片,有好多港式笑話......如果換晒香港演員,你會以為係王晶作品......

 

             廣告標榜既最後十分鐘蝦碌片刻,好多都晤似剪出黎,都係好好笑..........

 

             星爺,快的拍番套笑片見下人啦~~~